ეროვნული თავდაცვის აკადემიაში 2019-2020 წლის ერთიანი ეროვნული გამოცდებისა და აკადემიის შიდა ტურების წარმატებით გავლის შემდეგ, ბაკალავრიატის საგანმანათლებლო პროგრამებზე ჩარიცხული იუნკერებისთვის დაიწყო საწყისი საბრძოლო მომზადების კურსი.

  ეროვნული თავდაცვის აკადემიის საინფორმაციო გზამკვლევის ქართულ ვერსიაზე მუშაობა დასრულდა. აღნიშნული გზამკვლევი არის საინფორმაციო სახის, მასში მოცემულია აკადემიის სტრუქტურა და განხორციელებული ღონისძიებები. მუშაობა მიმდინარეობს დოკუმენტის ინგლისურ ვერსიაზე. 

საქართველოში ოფიციალური ვიზიტით მყოფი რუმინეთის ნიკოლაე ბალჩესკუს სახელობის სახმელეთო ძალების აკადემიის დელეგაცია დავით აღმაშენებლის სახელობის საქართველოს ეროვნული თავდაცვის აკადემიას ესტუმრა. რუმინეთის სახმელეთო ძალების აკადემიის რექტორს, ბრიგადის გენერალს გიტა ბარსანსა და რექტორის მოადგილეს, პოლკოვნიკ ვასილ კარუტასუს ეროვნული თავდაცვის აკადემიის რექტორმა, ბრიგადის გენერალმა მალხაზ მაკარაძემ  უმასპინძლა. აღსანიშნავია ის ფაქტი, რომ აღნიშნული ვიზიტი სასწავლებლებს შორის პირველად განხორციელდა. სამუშაო შეხვედრები გაიმართა ასევე სამეთაურო-საშტაბო კოლეჯში, წვრთნებისა და სამხედრო განათლების სარდლობასა და სახელმწიფო სამხედრო სამეცნიერო-ტექნიკურ ცენტრ „დელტაში“.

სსიპ - დავით აღმაშენებლის სახელობის საქართველოს ეროვნული თავდაცვის აკადემიასა და სსიპ - ზურაბ ჟვანიას სახელობის სახელმწიფო ადმინისტრირების სკოლას შორის ურთიერთთანამშრომლობის მემორანდუმი გაფორმდა. დოკუმენტს ხელი მოაწერეს აკადემიის რექტორმა, ბრიგადის გენერალმა მალხაზ მაკარაძემ და  ზურაბ ჟვანიას სახელობის სახელმწიფო ადმინისტრირების სკოლის დირექტორმა, ქალბატონმა ქეთევან ჯაყელმა.

მიმდინარე წლის 21 აგვისტოს ეროვნული თავდაცვის აკადემიაში საზაფხულო სკოლის მეორე ეტაპის გახსნის ღონისძიება გაიმართა.